Tía Miseria ganadora del IX Premiu Nel Amaro de Teatru Profesional

Tenemos el placer de anunciavos esta noticia, ¡Tamos percontentos!

El xuráu destaca “la calidá llingüística y el nivel interpretativu d’un espectáculu que, con ritmu axilosu y gran naturalidá, trai a l’actualidá’l corpus cultural de la tradición asturiana, apurrendo una mirada crítica a la sociedá actual”.

Pa nos, ye un primer pasu ¡y vaya pasu! nesti mundu del teatru, nel que tuvimos la suerte de contar con un equipazu: milenta gracies pol vuesu trabayu, paciencia y bon hacer, ¡Sois grandes!

De nuevu, gracies Carlos Alba pol testu, que foi un regalazu; al nuesu querido Miguel Cubero, pola so lluz; Azucena Rico, Nuria Trabanco, pol vuesu arte, Rafa, pol sofitu y saber facer. Y al nuesu elencu… Carmen Gloria, Carla Loga, Enrique Dueñas, Héctor Braga, sois espectaculares, ye un placer veros trabayar y dar vida a caún de los personaxes.

Foron díes de trabayu duru, muncha paciencia y esfuerciu, y esti premiu danos fuercia pa seguir 😊

Nun nos escaecemos de tolos llugares, asociaciones y persones qu’acoyeron a la Tía Miseria, y ficieron medrar esti proyeutu d’una manera tan prestosa. ¡¡Gracies!!

Gracies al xuráu, pol premiu, y el sofitu.

Y pa rematar, dicir que ye un lujazo tar xunto a Higiénico Papel TeatroÉ Vero Teatro y Producciones Nun Tris🥰

Enllaz a la noticia

¡Siguimos!